சிட்டுக்குருவியும் காதலும் - Sparrow and Love

-
        "சிட்டுக்குருவி முத்தம் கொடுத்து சேர்ந்திட கண்டேனே"
இப்பாடலை கேட்காத ஆளே இல்லை எனலாம். சிவாஜி கணேசன், சரோஜாதேவி நடித்த புதிய பறவை படத்தில் இடம்பெற்ற அருமையான பாடல். இப்பாடலை பற்றி பேசக்காரணம்,

      இன்று உலக சிட்டுக்குருவிகள் தினமாம். சிட்டுக்குருவியை இன்று இணையத்தில் மட்டும் காண்கிற அவலம். என்னதான் ரஹ்மானின் "மழைக்குருவி" பாடல் நெஞ்சை உறங்க வைத்தாலும் சிறுவயதில் அந்த சிட்டுக்குருவி போட்ட "கீச் கீச்" என்ற தேனிசைச் சத்தத்திற்கு இணையாகவில்லை. என்னே அழகு!

      இணையமில்லாத அந்த பள்ளிப்பருவ பொழுது பறவைகளுடனும் மற்ற உயிரினங்களுடனும் இன்பமாக கழிந்தது. புரியாத அந்த வயதில் சிறிய உண்டிகோலை கொண்டு சிட்டுக்குருவியை அடிக்க துரத்தியது அருமையான நினைவு. ஆனால் இதுவரை அடிக்கவில்லை என்பது கூடுதல் தகவல்.

       கையடக்க உடல், சாம்பல் நிற முதுகு, கருமை நிற கழுத்து, சிறிய கண்கள், சிறிய அலகு, சற்று நீண்ட வால் இவைதாம் அவற்றின் அடையாளங்கள். காலையில் சிட்டுக்குருவியின் சத்தம் கேட்டு விழிக்காத நாளில்லை எனலாம். அந்த அளவிற்கு என்னுடைய வீடு குருவிக்கு கூடாகிப் போனது. கட்டிடக்கலை பொறியியல் படிக்காமலே என்ன நேர்த்தியான கூடினை வடிவமைக்கின்றன. அந்த சிறிய வாலை ஆட்டி ஆட்டி அங்குமிங்கும் பறந்து கொண்டிருப்பதை கண்டால் நேரம் போவது தெரியாது. இந்நொடியில் கூகுள் புகைப்படத்தில் சிட்டுக்குருவியை பார்க்கமுடியும் யூடியூப் காணொளியில் அதன் அசைவுகளை ரசிக்க முடியும் என்றாலும் பழைய நினைவுகள் போல இவை இருப்பதில்லை. இந்த கருத்துரு எழுதும் வேளையில் கண்முன்னே அந்த குருவி தோன்றாதா என மனம் எண்ணி வெதும்புகிறது. அதன் குரல் காதில் கீச்சிடுகிறது.

           அலைபேசி தேவை அதிகரித்த இந்நாளில் அலைபேசியிலிருந்து வெளிப்படும் அலைகள் சிட்டுக்குருவி போன்ற சிறிய பறவைகளை அழிப்பதாய் அறிவியலாளர்கள் கூறுகின்றனர். இதுகுறித்து 2.0 படமும் வந்துள்ளது. கோடை காலம் நெருங்கும் இவ்வேளையில் வெயிலின் தாகம் அதிகமாயுள்ளது. தண்ணீரை தேடி பறவைகள் அலையக்கூடிய நிலையில் மனிதர்களாகிய நாம் ஒரு பாத்திர நீரை மாடியில் வைப்பது அழியும் நிலையிலுள்ள சிட்டுக்குருவிக்கு நாம் செய்யும் கைம்மாறாக இருக்கும்.

பறவைகளை காப்போம்!!

Comments

Post a Comment

Popular posts from this blog

தாய்லாந்தின் சிறந்த சுற்றுலா தளங்கள் - Best Tourist Place in Thailand

-
Image
நம்ம இந்திய டூரிஸ்டுகளோட தாய்நாடுதான் நம்ம தாய்லாந்து. ஏன்னா நம்ம ஆளுங்க எங்க ஃபாரின் டிரிப் போகணும்னாலும் மொதல்ல மைண்டுக்கு வர்ற நாடு தாய்லாந்து.  புத்தர் கோவில், அசத்தலான பீச்சஸ், மார்க்கெட்டுக்கு நடுவுல சம்பந்தமை இல்லாம உள்ள புகுந்து போற டிரெயின், பச்சைப்பசேல்னு விவசாய கிராமங்கள், அதுக்கு அப்படியே எதிரா கலர் கலரான பார்ட்டீஸ், இதெல்லாமே தான் நம்ம ஆசியோவோட The Best Tourist Spot ஆ தாய்லாந்து நிக்குது.  சூப்பர் ஸ்டார் எட்டு எட்டா வாழ்க்கைய பிரிக்க சொல்லிருக்காரு. இப்போ நான் பெஸ்ட்டான எட்டு விஷயங்களை சொல்லப் போறேன். 8. RAILAY நீங்க பாகுபலி மாதிரி மலைப்பாறைகளை பார்த்த உடனே தாவணும்னு Tempt ஆகுற ஆளா இருந்தா கண்டிப்பா Railwayவ மிஸ் பண்ணியே ஆகணும். இந்த இடத்துக்கு ரோடோ பிளைனோ கிடையாதுங்க. வெறும் போட்ல மட்டும்தான் போக முடியும். இங்க ரொம்ப கம்மி பட்ஜெட்ல இருந்து பெரிய Resort ல Accommodation இருக்குறதால எல்லா விதமான மக்களும் வர்றாங்க.. 7. PHANOM RUNG பேரு வேணும்னா அந்த ஊரு மொழில இருக்கலாம் ஆனா இது நம்ம ஊரு சிவனுக்காக அங்க கட்டின கோவில். 10ல இருந்த...
Read more

குப்பை

-
“ப்ப்பா…, குப்பை…!” அடித்தொண்டையிலிருந்து கிளம்பிய குரல், இரண்டு பக்கமும் அப்பார்ட்மென்ட் கட்டடங்களும், மாடி வீடுகளும் நெருக்கியடித்து நின்றிருந்த அந்த வீதியின் தொடக்கத்திலிருந்து கேட்டது. குரலின் தொடர்ச்சியாக வீதிக்குள் திரும்பி கொண்டே, நுழைந்தது இரண்டு சக்கரங்கள் பொருத்தப்பட்ட, அடர்த்தியான பச்சை நிற குப்பை வண்டி. வண்டியின் உள்ளே இரண்டு பெரிய பிளாஸ்டிக் ட்ரம்கள். பச்சை மற்றும் சிவப்பு வண்ணங்களில், வெயிலில் வெளுத்துப் போய் கிட்டத்தட்ட பச்சையாகவும், சிவப்பாகவும் இருந்தன. வண்டியின் ஒரப்பகுதிகள், ட்ரம்களில் மாநகராட்சியின் பெயர், வெள்ளை பெயிண்ட்டால் ஸ்பிரே செய்யப்பட்டிருந்தது. வண்டியின் நீளமான இரும்பு கைப்பிடியின் வெள்ளி வண்ணங்கள் உதிர்ந்து போய் இருந்தது. கைப்பிடியின் இரு முனைகளிலும் கெட்டியான சாக்குப்பைகள் கட்டி தொங்கவிடப்பட்டு உப்பியிருந்தது. அதில் இரும்புக்கம்பிகள், உடைந்த மரச்சட்டங்கள், பிளாஸ்டிக் பட்டைகள் வெளியே ஆர்வமாக வேடிக்கை பார்த்து கொண்டிருந்தன. ட்ரம்களில் அதுவரை சேகரித்த குப்பைகளின் கலவை கிடக்க, அவற்றின் மேல் ஈக்களின் ரீங்காரம். வண்டியை தாண்டி நடந்த இரண்டு பெண்கள் மூக்கில் விரல...
Read more

தொடரும் மருத்துவத்துறையின் அவலம் - Continues neglect of the Medical Department

-
தமிழகத்தில் மருத்துவத்துறையின் நிலை நாளுக்கு நாள் மோசமாக்கிக் கொண்டிருக்கிறது. இதை இந்த அரசும் கவனிக்க தவறுகிறது. உலகத்தரம் வாய்ந்த மருத்துவம் வழங்குகிறோம் என்று தேர்தல் பிரச்சாரத்தில் மட்டும் பெருமை பேசிக் கொள்கிறார்கள். செயலற்ற நிலையில் ஒரு அரசு இருக்குமாயின் இந்த தொடர்கதை நிகழத்தான் செய்யும். மருத்துவத்துறையில் விபத்து என்ற ஒன்று சாதாரணம் என்று எளிதாக கடந்து விடக் கூடியதல்ல இது. அஜாக்கிரதையின் வெளிப்பாடு.  கூவத்தூர் அரசு ஆரம்ப சுகாதார நிலையத்தில் சுகப்பிரசவத்துக்காக அனுமதிக்கப்பட்ட கடலூர் காலனியைச் சேர்ந்த பொம்மி என்ற கர்ப்பிணி பெண்ணுக்கு, சுகப்பிரசவத்தின்போது குழந்தையின் தலை துண்டாகி வெளியே வந்தது. இதையடுத்து வயிற்றுக்குள் சிக்கி கொண்ட குழந்தையின் உடலை அறுவை சிகிச்சை மூலம் மருத்துவர்கள் வெளியே எடுத்த சம்பவம் அப்பகுதியில் பெரும் அதிரச்சியை ஏற்படுத்தியுள்ளது. காஞ்சிபுரம் மாவட்டம், கடலூர் காலனி பகுதியைச் சேர்ந்த தியாகராஜன் என்பவரின் மனைவி பொம்மி (20). இவர் நிறைமாத கர்ப்பிணி பெண் ஆவார் இவருக்கு நேற்று காலை பிரசவ வலி ஏற்பட்டுள்ளது. இதையடுத்து, அவர் பிரசவத்துக்காக கூவத்தூர் ...
Read more